आम्ही मात्र मनातल्या मनात हसत असतो...!
आज जेव्हा हि लोकं नागराजला जवळ करत "शेल्फी" वगैरे काढतात....सत्कार करतात...आणि सोबत एखादा कार्यक्रम करायला मिळवा म्हून धडपडतात...!
आम्ही मात्र मनातल्या मनात हसत असतो...!
आज जेव्हा त्या लोकांना त्याची मांडणी छान वाटू लागते...डोक्याला "शॉट" देत विचार करायला लावते...अचानक हे सारे "वास्तववादी" आहे असे म्हणायला लावते...!
आम्ही मात्र मनातल्या मनात हसत असतो...!
आज जेव्हा ती माणसं तो "वडार" आहे असे सांगतात...त्याच्या चित्रपटातील नायिका "दलित" आहे सांगतात....आणि खलनायक मराठा पाटील जाणून बुजून दाखवला आहे असे सांगतात...!
आम्ही मात्र मनातल्या मनात हसत असतो...!
आज जेव्हा ती लोक आपल्या मुलीला मित्रासोबत बोलायला नकार देतात...आपल्या बहिणीला प्रेम म्हणजे कुणाच्या नादाला लागलीसे तर बघ असा "हग्या दम" देतात..आणि केलेच तर "विषय" संपवतात....!
आम्ही मात्र मनातल्या मनात हसत असतो...!
आज जेव्हा ती लोकं आपल्या मुलीचे,बहिणीचे "स्वजातीय" मुलाशी "थाटात लग्न" लाऊन देतात...तिच्या वरातीत "झिंगाट" होऊन नाचतात...पण "हक्कसोडपत्रावर" सही नाही केली तर जिवंतपणानीच "श्रद्धांजली" वाहतात...!
आम्ही मात्र मनातल्या मनात हसत असतो...!
आज जेव्हा त्याला "कोट्यवधी" रुपये मिळाले अशा बातम्या येतात...तो विमानात फिरायला जातोय म्हणतात...आणि "दुष्काळग्रस्तांना" तो त्यातले काहीच का देत नाही असेही ते बोलतात...!
आम्ही मात्र मनातल्या मनात हसत असतो...!
तो कित्येक वेळा जवळ असतो...सोबत असतो गप्पा मारतो...जीवनाच्या चित्रपटातील "वास्तववादी स्टोऱ्या" सांगतो...आणि तो आमच्यावर आणि स्वतःवरही ओरडतो...!
आम्ही मात्र मनातल्या मनात हसत असतो...!
आज तो सोबत असताना एक पोटो सुद्धा सोबत काढला नाहीस असे मित्र विचरातात....मी त्यांना मनातल्या मनात हसत बोललो...त्याचा सोबत पोटो अवघड नाही गड्या पण तो "डोक्यातच फिट" बसलाय...आणि तो "बाहीरच ईना" झालाय...!
आम्ही मात्र मनातल्या मनात हसत असतो...!
शिवराम ठवरे 11-05-2016
मुक्त पत्रकार 9175273528
विद्रोही सांस्कृतिक चळवळ,महाराष्ट्र.
Shivramthavare25@gmail. com
मुक्त पत्रकार 9175273528
विद्रोही सांस्कृतिक चळवळ,महाराष्ट्र.
Shivramthavare25@gmail. com
No comments:
Post a Comment